Istighfār: Wíwá Ìdáríjì àti Ìrònúpìwàdà

قَالَ رَسُولُ اللَّهِ صلى الله عليه وسلم: ((وَاللَّهِ إِنِّي لأَسْتَغفِرُ اللَّهَ وَأَتُوبُ إِلَيْهِ فِي الْيَوْمِ أَكْثَرَ مِنْ سَبْعِينَ مَرَّةٍ)).

(Òjíṣẹ́ Allāhu ﷺ sọ pé: ‘Mo fi Allāhu búra, mo tọrọ ìdáríjì mo sì ronú pìwàdà sọ́dọ̀ Allāhu ju ìgbà àádọ́rin lọ lójoojúmọ́.)

وَقَالَ صلى الله عليه وسلم: ((يَا أَيُّهَا النَّاسُ تُوبُوا إِلَى اللَّهِ فَإِنِّي أَتُوبُ فِي الْيَوْمِ إِلَيْهِ مِائَةَ مَرَّةٍ)).

(Ó tún sọ pé: ‘Ẹ̀yin ènìyàn, ẹ ronú pìwàdà! Dájúdájú èmi ń ronú pìwàdà sọ́dọ̀ Allāhu ní ìgbà ọgọ́rùn-ún lójoojúmọ́.)

وَقَالَ صلى الله عليه وسلم: ((مَنْ قَالَ أَسْتَغْفِرُ اللَّهَ الْعَظيمَ الَّذِي لاَ إِلَهَ إِلاَّ هُوَ الْحَيُّ القَيّوُمُ وَأَتُوبُ إِلَيهِ، غَفَرَ اللَّهُ لَهُ وَإِنْ كَانَ فَرَّ مِنَ الزَّحْفِ)).

(Ó tún sọ pé: ‘Ẹnikẹ́ni tí ó bá sọ pé:(Mo tọrọ ìdáríjì lọ́dọ̀ Allāhu, ẹni tí kò sí ẹni tí ó yẹ láti júbà àyàfi Òun, Alààyè títí láé, Ẹni tí ó dúró fúnra Rẹ̀ tí ó sì ń gbé ohun gbogbo ró, mo sì ronú pìwàdà sọ́dọ̀ Rẹ̀.) Allāhu yóò dáríjì í, kódà bí ó bá jẹ́ ẹni tí ó sá lójú ogun.)

وَقَالَ صلى الله عليه وسلم: ((أَقْرَبُ مَا يَكُونُ الرَّبُّ مِنَ الْعَبْدِ فِي جَوْفِ اللَّيْلِ الآخِرِ فَإِنِ اسْتَطَعْتَ أَنْ تَكُونَ مِمَّنْ يَذْكُرُ اللَّهَ فِي تِلْكَ السَّاعَةِ فَكُنْ)).

(Ó sọ pé: ‘Ìgbà tí Olúwa súnmọ́ ẹrú Rẹ̀ jùlọ ni ààrin òru, nítorí náà tí o bá lè wà lára àwọn tí ń rántí Allāhu ní àkókò náà, ṣe bẹ́ẹ̀.)

وَقَالَ صلى الله عليه وسلم: ((أَقْرَبُ مَا يَكُونُ الْعَبْدُ مِنْ رَبِّهِ وَهُوَ سَاجِدٌ فَأَكثِرُوا الدُّعَاءَ)).

(Ó tún sọ pé: ‘Ìgbà tí ẹrú súnmọ́ Olúwa rẹ̀ jùlọ ni nígbà tí ó bá ń dojúbolẹ̀, nítorí náà ẹ ṣe àdúà púpọ̀ nínú rẹ̀.)

وَقَالَ صلى الله عليه وسلم: ((إِنَّهُ لَيُغَانُ عَلَى قَلْبِي وَإِنِّي لأَسْتَغْفِرُ اللَّهَ فِي الْيَوْمِ مِائَةَ مَرَّةٍ)).

(Ó tún sọ pé: ‘Dájúdájú ọkàn mi máa ń kún fún ohun mìíràn, dájúdájú èmi sì ń tọrọ ìdáríjì lọ́dọ̀ Allāhu ní ìgbà ọgọ́rùn-ún lójoojúmọ́.)(kún fún ohun mìíràn: ìyẹn ni, ní ipò ‘ìgbàgbé’. Anọ́bì ﷺ máa ń pọ̀ sí i nínú ìrántí Olúwa rẹ̀ nígbà gbogbo, nínú dídé ipò ìsúnmọ́ Allāhu àti níní ìbẹ̀rù Allāhu, débi pé tí ìmúná yìí bá dín kù ní ọ̀nà kan, yóò kà á sí ẹ̀ṣẹ̀, yóò sì yára láti tọrọ ìdáríjì lọ́dọ̀ Allāhu.)

((مَا مِنْ عَبْدٍ يُذنِبُ ذَنْباً فَيُحْسِنُ الطُّهُورَ، ثُمَّ يَقُومُ فَيُصَلِّي رَكْعَتَيْنِ، ثُمَّ يَسْتَغْفِرُ اللَّهَ إِلاَّ غَفَرَ اللَّهُ لَهُ)).

(Ẹrú kankan tí ó bá dẹ́ṣẹ̀, tí ó sì wá ṣe wùdùú, tí ó kírun ráka’ah méjì, tí ó sì wá tọrọ ìdáríjì lọ́dọ̀ Allāhu, Allāhu yóò dáríjì í.)