Тамак жеер алдында жана жегенден кийин жана ооз ачканда окулуучу дубалар

((إِذَا أَكَلَ أَحَدُكُمْ طَعَاماً فَلْيَقُلْ بِسْمِ اللَّهِ، فَإِنْ نَسِيَ فِي أَوَّلِهِ فَلْيَقُلْ بسمِ اللَّهِ فِي أَوَّلِهِ وَآخِرِهِ)).

(Тамак жегиңиз келгенде айтыңыз:(Бисмиллах.)Эгер баштоодон мурун айтууну унутуп калсаңыз, эсиңизге түшкөндө айтыңыз: Аллахтын аты менен, анын башында да, акырында да.)

((مَنْ أَطْعَمَهُ اللَّهُ الطَّعَامَ فَلْيَقُلْ: اللَّهُمَّ بَارِكْ لَنَا فِيهِ وَأَطْعِمْنَا خَيْراً مِنْهُ، وَمَنْ سَقَاهُ اللَّهُ لَبَناً فَلْيَقُلْ اللَّهُمَّ بَارِكْ لَنَا فِيهِ وَزِدْنَا مِنْهُ)).

(Аллах кимди тойгузса, ал мындай десин:(Оо Аллах, муну биз үчүн берекелүү кыл жана бизди андан жакшысы менен тойгуз.) Ал эми Аллах кимге сүт ичирсе, ал мындай десин:(Оо Аллах, муну биз үчүн берекелүү кыл жана бизге андан көбүрөөк бер.))

((الْحَمْدُ لِلَّهِ الَّذِي أَطْعَمَنِي هَذَا، وَرَزَقَنِيهِ، مِنْ غَيْرِ حَوْلٍ مِنِّي وَلاَ قُوَّةٍ)).

(Мени ушуну менен тойгузуп, менин күчүм жана кубатым болбостон ушуну берген Аллахка мактоолор болсун.)

((الْحَمْدُ لِلَّهِ حَمْداً كَثِيراً طَيِّباً مُبَارَكاً فِيهِ، غَيْرَ [مَكْفِيٍّ وَلاَ ] مُوَدَّعٍ، وَلاَ مُسْتَغْنَىً عَنْهُ رَبَّنَا)).

(Аллахка көп, жакшы, берекелүү, үзгүлтүксүз, коштошууга болбой турган жана ар дайым керек болгон мактоо болсун. Ал — биздин Рабыбыз.)(Бул дубанын мааниси боюнча башка пикирлер да бар, алардын бири: Аллахка көп, жакшы, берекелүү мактоо болсун. Ал — тойгузуучу, Өзү тойбогон; Анын алдындагыга умтулууга болот жана Ал — муктаж болуучу, Ал биздин Рабыбыз.)

((ذَهَبَ الظَّمَأُ وَابْتَلَّتِ العُرُوقُ، وَثَبَتَ الْأَجْرُ إِنْ شَاءَ اللَّهُ)).

(Суусуздук кетти, тамырлар нымданды жана Аллах кааласа, сооп бекемделди.)

((اللَّهُمَّ إِنِّي أَسْأَلُكَ بِرَحْمَتِكَ الَّتِي وَسِعَتْ كُلَّ شَيْءٍ أَنْ تَغْفِرَ لِي)).

(Оо Аллах, бардык нерсени курчаган ырайымың менен Сенден сурайм, мени кечир.)